روايه احببتك من النظره الاولى بقلم بثينة الشناوى

وهو بصصلها.. هاا لا اه
خالد.. فى ايه يا بنتى .
اميره .. اه يا مستر ثانيه اجبهولك.
يحيى.. لا لا خليه عندك عايز اقعد ورا اشوف صحبى وهو بيشرح.
خالد .. ماشى يا خفيف.
أميرة فى نفسها.. هو يوم باين من أوله.
وقامت زقا الكرسى جمب الحيطا وحطت شنطتها وكتبها على الأرض.
يحيى.. لسه فى اسلحه عايزه تحطيها تانى.
أميرة بصتله ومكلمتش.

يحيى حط الهاند فرى فى ودنه وفتح الداتا وفضل يقلب فى الانستجرام على الاكونت بتاعها لحد ما لقاه.
قال بصوت عالى من غير ما ياخد باله.. ايوه بقى 
خالد.. ايه يا بنى بشرح.
يحيى وشه احمر .. وبص على أميرة من غير ما تاخد بالها وقال لا لا دا واحد صاحبى هيخطب ففرحت اصله كان نحس اوى.
خالد.. صحبك مين!
يحيى.. هاا مش عارف انت خالد بتقف على حجات تافه انا هقف برا استناك انت لسالك بدرى.
خالد.. ماشى يا خويا اما نشوف اخرتها معاك لا معتش غير عشر دقائق بس.
_ بعد ما يحيى خرج.
اميرة فى نفسها.. هوووف اخيرا يلهوى دا أنا كنت ھموت .
يحيى .. اقسم بالله انا غبى والله انا غبى قاعد جمبها وبدور على الاكونت اغبى منى مشفت..
بس دى عمله الاكونت برايفت بس صورتها حلوه هى حلوه اصلا 
خالد.. بعتزر يا شباب عن حصه بكره بجد فى ظروف مش هعرف اجى.
نتقابل ان شاء الله بعد بكره بس هنقعد 5 أو 6 ساعات براحتنا بقى يلا بالتوفيق يا شباب.
أميرة.. يارب ما يكون لسه واقف برا.
خرجت بسرعه وهى ماشيه بسرعه ومبصتش حواليها . لقت اللى بيقول... ذاكر كويس يا كتكوت يا صغير عشان هندسه.
أميرة مبصتش وراها بس ضحكت ضحكه خفيفه كده ومشت بسرعه.
خالد خرج ليحيى وقاله يلا يا بنى يا يحيى انت يا بنى سرحان فى ايه
يحيى.. هاا لا لا مفيش يلا نمشى.
خالد وهما فى الطريق...
خالد.. مقولتليش هو مين دا اللى هيتخطب .
يحيى.. هاا مين !
خالد.. ما انت كنت قايل فى المجموعه كده.
يحيى.. انا يا بنى استغفر الله العظيم يا عم انت بتركز فى حجات تافه اوى.
خالد.. انااا مااشى مسيرى اعرف مخبى وراك ايه يا يحيى يا ابن محمد .
يحيى.. دا بعينك
خالد .. ماشى يا خفيف...
وصلت اميره البيت وهى داخله مصدقتش نفسها لقت ابن عمتها سليم قاعد مع والدتها وطبعا والدتها أول ما شافتها ندهت وقالت.. تعالى يا اميره سلمى على سليم ابن عمتك لسه راجع من السفر
سليم دا بقى ابن عمة اميرة هو شاب طويل وعريض وقمحاوى وجينتل اوى فى نفسه كده وهو بيحب أميرة من وقت ما كانوا صغيرين بس جاتله منحه فضل قاعد هناك 3 سنين
أميرة.. س..سليم
سليم.. ازيك يا مرمر اخبارك ايه
أميرة.. تمم الحمد لله هى المنحه بتاعتك خلصت.
سليم.. اه يا ستى ولا انتى عيزانى اروح تانى هناك ولا ايه 
اميرة.. لا لا مش قصدى بس بسأل..
سليم.. ماشى يا ستى عن اذنك كده يا طنط لما اورى لأميرة انا جبتلها ايه
أميرة.. ايوا كده دلعنى 
سليم.. غمضى عينك
أميرة.. ايه يا بنى شغل المراهقين دا اخلص ورينى.
سليم.. ابنك ومراهقين يا بنتى انتى انثى انثى جايبه ام الألفاظ دى منين.
اميرة.. خلاص يا اسطااا بقى متبقاش قفوش كده.
سليم.. عوضى على ربنا شوفى يا ستى.
أميرة.. الله حلو اوووى الدريس دا انت عرفت انى بحب الاستايل دا منين
سليم.. من صورك على الانستجرام.
أميرة.. لا يا وله نااصح.
سليم.. ميغلوش عليكى يا ست البنات.
أميرة.. والنعمه انت اخ مافى منك اتنين.
سليم.. نعم ياختى اخ انا مش اخوكى أبت انتى انتى عايزه تموتينى انا همشى لحسن ما ارتكب چريمه هنا.
أميرة.. ماشى يا خويا
سليم.. بتقول اخويا برضو .
وفضلو يضحكوا...
سليم.. يلا استأذن انا بقى عايزه حاجه يا مرمر.
أميرة.. لا تسلم يا ابو الصحاب.
سليم.. اقسم بالله خالى جايب 3 صبيان ما اتنين.
أميرة.. طب متشكرين اوى
نروح ليحيى...
يحيى.. بقولك ايه يا خالد
خالد.. قول يا دكتره.
يحيى.. هى البت اللى معاك فى الدرس دى استنى كده أما افتكر اسمهاا اه افتكرت أميرة
خالد.. مالها أميرة.
يحيى.. هى ايه
خالد.. هى ايه اللى هى ايه بنى آدمه عاديه.
يحيى.. يا غبى مش قاصدى اقصد يعنى مرتبطه بحد طريقه كلامها كده يعنى.
خالد.. لا لا لا اميره عندى من زمان بنت محترمه جدا جدا وأهلها ناس محترمين اوى بتسأل ليه يعنى!
يحيى.. هااا لا يا عم بسال بس مش اكتر.
خالد.. والله انت هيطلع وراك مصېبه فى الآخر .
يحيى.. ربنا ميجيب مصايب يا باشا قولى درسك بكره الساعه كام.
خالد.. لا ما انا مش هديهم بكرةرايح بكره مشوار كده مش هعرف اجى بكره.
يحيى.. ليبيه كده يا بنى آدم انت طوور صح والله طور.
خالد.. ليه يا بنى كده بس 
يحيى.. يا عم اسكت يلا نروح انت حرقتلى دمى ربنا يخدك يا اخى.
خالد.. الله يكرمك فاكر انك تعرف تعيش يوم واحد من غيرى مثلا.
يحيى.. ليه يا خويا كنت الاكسجين ولا فاكر نفسك محور الكون.
خالد.. ايه يلا الأسلوب