فى قسم

تامر قام وخد حاجته من على المكتب
: مش هقوله حاجه.. تعالي اوصلك في طريقي
ليندا: لا شكرا هاخد تكسي
تامر: تعالي ولو عمي محمود سأل هقوله اني قبلتلك في الطريق وانتي راجعه من الكليه
ليندا بستسلام: طيب
بليل في شقت تامر 
طلع من اوضته وهو باين عليه اثار النوم 
لقي امه وخته و معاهم ليندا قعدين في الصاله بيلفوا محشي

تامر: سلام عليكم 
ردت أم تامر: وعليكم يا حبيبي عمالك اكل في المطبخ روح كل عبال مسوي المحشي بس
تامر اتجه للمطبخ: تمام 
أميره اخت تامر تلفونها رن
: خدي يا ماما دي خالتي 
ام تامر خدت التلڤون ومشيت بعيد
اميره بحده لليندا
: يعنى رحتي وقلتيله
ليندا سكتت لما لمحت تامر طالع وفي ايده كوباية شاي ودخل اوضته
ليندا كملت: ايوه قلتله يا اميره
أميره: طاب احنا مش متفقين هنحلها سوا
ليندا: والله يا أميره ما حد هيعرف يحلها غيره احنا مش هنقدر نعمل حاجه 
أميره: طاب وقلك اي
 
ليندا: قلي انه هيحل الموضوع ومش هيقول لبابا
أميره مسكت ايدها وقامت
: طاب تعالي 
ليندا: هنروح فين
أميره: عند تامر اخوي
ليندا: اميره... يا اميره بلاش
ليندا مسمعتش ليها ودخلت اوضت تامر 
الي كان واقف قدام المرايه يسرح شعره
أميره بتوتر: رايح فين يا أبيه
تامر: خارج مع صحابي في حاجه 
أميره قربت منه
: شكرا علشان بتساعد ليندا ومقلتش لباباها 
تامر بصلها: كمان كنتي عارفه... وليه مجتيش تقليلي يا هانم
أميره: علشان ليندا مكنتش عازاني اقولك.. خيفه تقول لبابها أنا أتفجأت بيها لما قلتلي انها حكتلك
تامر اتنهد وبص لليندا 
: احنا بقالنا 15سنه سكنين جنب بعض وفي آلاخر شيفاني كدا 
ليندا: أنا والله كنت متوتره وخايفه ومش عارفه اتص.رف
تامر: طاب هو قلك على المعاد الي هيشوفك فيه
ليندا: لا مبعتليش حاجه 
تامر: أنا بكره هروح معاكم الكليه على أساس اني خطيبك
ليندا بستغراب: ليه
تامر طلع دبلتين من الدرج
: هتعرفي بعدين متنسيش تلبسي دي.... يلا عايزين حاجه