قصة العروسة المظلومة كلمة قصه روعه
واصلًا ابوها مو واعي وما شافها ولما قالوله يشوفها رفض وقال هاي البنت قتلت حبيبتي انا ما بدي ياها... ويمكن هاد السبب خلاني احبها اكتر لانه ابوها كرهها...
حماتي خلتني اسميها وانا سميتها جنا... من ايام المدرسة كان نفسي يكون اسم بنتي جنا... مر شهر على مoت ريم... وفارس حالته اسوء من اول.... دفن حاله بالحيا... عاش بغرفته وما بخلي حدًا يدخل عنده ابدا...
وبحطوله الاكل وبيرجع متل ما هو... وبس الدخان بيدخل على معدته... انا لما شفت ردت فعله هيك احترمت كتير وفائه وحبه لالها... لانه حب كبير متل هيك ما كنت اسمع فيه اللا بقصص الحب الخيالية..
الحب الكبير لجنا... خلاني اخفف حقدي على ابوها... حسيت انه كل هاد صار فيي بس لانه ربنا خبالي جنا حتى تزينلي حياتي.....
استحملناك هالشهر ونص... قلنا حزنان وخلينا نستحمل... بس الظاهر سقت فيها... انت هالشهر ونص كنت ضيف واتوقع احسنا ضيافتك... عندك بيت روح عليه ادفن حالك فيه... وهالمرة انا رح اطردك من بيتي...
مشاعري ملخبطة انا كيف بدي اقعد مع فارس بنفس البيت... كيف رح اتحرك فيه... خلص تعودت اكون فيه لحالي... وما توقعت بحياته يجي عندي... بصراحة اتدايقت كتير... واتمنيت الارض تنشق وتبلعني... لاني صارلي اكتر من سنة ما حكيت معه ابدًا ولا لساني خاطب لسانه... كيف بدي اتعامل مع هالكائن... اللي مشاعر الكره متبادلة بيناتنا...
لاول مرة بالحياة... حقدت على حماتي مع اني حبيتها اكتر من امي... لانها وقفت معي كتير... مر اسبوع وهو عندي وانا ما تحركشت فيه بس كنت احطله صينية اكل وهو كان ما يلمسها واحطله ياها واخدها بدون ما احكي معه نهائيا...
مر الاسبوع التاني... بلش ياكل من الاكل... وانا صراحة استغربت.... مر الاسبوع التالت صار يسرق نظرات لجنا من بعيد وهي بتختها وانا اعمل حالي مو شايفته...
