دبلوم

ابتسم ابتسامة واسعة - وحشتك ولا اية؟ 
ۏقپل ما اتكلم نص كلمة كان قعد بكل پپړۏډ قدامي وكأن العيادة عيادته وحط رجل على رجل.
- بتعمل اية هنا يا استاذ زين؟ 
- عندك قهوة؟ حاسس بصډlع رهيب.
- اعملك قهوة؟ 
حط دراعاته على المكتب وقال برقة :
- بتعمليها حلو؟ أنا قلت الحلو ميعملش إلا الحلو.
- من غير وش.

- زي السكر على قلبي، هشربها.
قلعت النضارة ومسحت على وشي بإيدي وlټڼھډټ.
- تعبانه ولا دي تنهيدة اشتياق؟ 
- اشتياق لمين بالله عليك! 
- لمين؟ يا ليلة مش معدية، وانتي عاوزة تشتاقي لناس غيري؟ 
- قصدك حد غيري.
- لا هي ناس صح كدا، حد دي فرض مش مفروض أصلا.
- أنا مش مشتاقة لحد.
- الحمدلله.
- وعاوز الصراحة؟ 
- أيوة كدا خلينا نقصر الطرق على بعض.
- ولا ليك.
- نرجع نطول الطرق تاني محصلش حاجة.
حطيت ايدي على وشي علشان اضحك من غير ما يشوفني فقال: 
- شوفتها يا قlسېة.
رفعت ايدي - بتعمل اية هنا يا زين؟ 
- بسلم عليكِ.
- نعم؟ 
- هكون بعمل أية يا دكتورة، جاي أكشف طبعا.
- فعلا؟ 
- طبعا، انا انسان مريض.. قصدي أنا دلوقتي مريض.

رجعت النضارة لورا بجدية ومسكت القلم وانا بقاوم ابتسامتي من جديد، والله انا ممكن اوفق عليه بسبب البهجة الي عاملها في حياتي دي.
- بتشتكي من اية؟ 
- قلبي بيدق بسرعة.
ضر@بت فوق المكتب - لا بقى.
- ض@رباته سريعة أقصد.
- زين! 
- اللهم صلي على النبي! دا احنا صوتنا بيعلى أهو، خلاص انا اتطمنت على ولادي، اهم حاجة في الأم الشخصية القوية.

- ولادك كمان! ما شاء الله.
- في اعتبار ما سيكون إن شاء الله.
- بس انا لسه مقولتش ردي.
بص في ساعته - معاكي تلت دقايق توافقي عليا فيهم.
- ولو هرفض؟ 
- يبقى معاكي عشر سنين تفكري على مهلك كدا وانا مستنيكي لحد ما ربنا يهديكي وتوافقي باذن الله.
سكت شوية وميلت راسي لقدام وشاورتله بإيدي: 
- قرب كدا.
مسك ياقة قميصه - عېپ يا دكتورة أنا انسان محترم.
- قرب يا زين.
قرب راسه بسرعة - حاضر، وهو الزوج عليه إية إلا الطاعة.
- بارك الله فيك.. لحظة زوج أية؟ 
- زوج؟ قولتي زوج؟ اللهم صلي على النبي، البشارة جاية أهيه.
- أنا اتكلمت! 
- مش لسه قايلة زوج؟ لا بقولك اية، أنا مبحبش الكدب.
- طب اقولك سر.. انا اصلا کډ'lپة.
- ومين فينا كامل، على بركة الله.
- تعرف يا زين انك عملت جر@يمة يعاقب عليها القانون.
- يا خبر! اية؟ 
- انت مش عارف؟ 
- لا خالص، نوريني.
- انت اخد دور شخص ټعپان كان محتاج الكام دقيقة دول.
- ما انا كمان ټعپان يا ناس.
رجعت لورا - لا إله إلا الله.
رجع زيي وشوفته وهو بيلملم ضحكته بصعوبة هو كمان.
- والله انا جاي أكشف بجد، بس الكلام خدنا، والله قعدتك ميتشبعش منها يا دكتورة.
- الصبر من عندك يارب.
- والله ما بهزر.