رواية القاسيان
رأفت: حد يقول على سته سوسو
يوسف: ايوة يا حاج انا اهو، يلا جود باااى
رأفت: ربنا يهديك
*****
ذهب يوسف ل أسماء
يوسف: ايه يا سوسو كنتى عايزانى فى ايه
اسماء: اقعد
يوسف: ادينى قعدت
اسماء: ايه اللى انت بتعمله ده
يوسف: انا كل اللى بعمله دلوقتى انى قاعد وبسمعلك يا سوسو
اسماء: لا مش قصدى كدا
يوسف: امال
اسماء: حالك، بتسهر وترجع وش الفجر ومش مهتم بحد فى البيت ولا بشغلك، فين يوسف الدحيح الشاطر بتاع زمان
يوسف: الزمن وبعدين السهر ده اهو حاجة تفاريحى كدا تفك عن الواحد
اسماء: والسهر ده مش فيه بنات !!!
يوسف: مزززززز
اسماء: طب ما كدا حرام، بتشرب!!
يوسف: يعنى
اسماء: يعنى بتشرب
يوسف: اهاا
اسماء:
بسم الله الرحمن الرحيم
﴿يَسْأَلونَكَ عَنِ الْخَمْرِ وَالْمَيْسِرِ قُلْ فِيهِمَا إِثْمٌ كَبِيرٌ وَمَنَافِعُ لِلنَّاسِ وَإِثْمُهُمَا أَكْبَرُ مِنْ نَفْعِهِمَا﴾
....
﴿يَا أَيُّهَا الَّذِينَ آمَنُوا إِنَّمَا الْخَمْرُ وَالْمَيْسِرُ وَالْأَنْصَابُ وَالْأَزْلامُ رِجْسٌ مِنْ عَمَلِ الشَّيْطَانِ فَاجْتَنِبُوهُ لَعَلَّكُمْ تُفْلِحُونَ﴾
يوسف: ايه يا سوسو انتى قلبتى شيخ مرة واحدة كدا ليه، محسسانى انى ابو لهب يعنى
اسماء: ده كلام ربنا يا يوسف وحرام اللى بتعمله ده ولازم تلتزم بقا وتصلى وتسيبك من اللى انت فيه ده
يوسف: ان شاء الله
اسماء: اوعدنى
يوسف: ان شاء الله يا سوسو بقا، يلا سلام
اسماء: ربنا يهديك
جائت رباب
رباب: ها عملتى ايه معاه !!!
اسماء: كلمته بس مصمم ومش مقتنع باللى بقوله
رباب: مش قولتلك، ده ابنى وانا عرفاه
اسماء: بس انا متأكدة ان يوسف هيتعدل بأذن الله
رباب: ربنا يهديه
اسماء: ياارب
***********************
دخلت سهوة المنزل وهى ترقص من الفرح وتجرى فى جميع انحاء المنزل وسعيدة
نيرة: ايه يا سهوة انتى اتهبلتى
سهوة: انا فرحااانة، فرحاااانة اوى
نيرة: ايه اللى حصل فرحينى معاكى
سهوة: هشتغل فى شركة
نيرة بصد@مة: بجد
سهوة: ايوة وبمرتب عااالى
نيرة بفرحة: ازاااى احكيلى
سهوة: طيب هحكيلك
حكت سهوة ل نيرة كل ما حدث وما دار
نيرة: يااااه سبحان الله، يعنى بيت جودى وكمان والدها قالك هتشتغلى فى الشركة
سهوة بفرحة: ايوة، كنت رايحة اشتغل فى الفيلا، شوفتى
نيرة: سبحان الله، ربنا يكرمك فى الشغل ده وتبقى احسن مهندسة يارب
سهوة: ياااارب بس ربنا يستر
نيرة: من ايه
سهوة: صاحب الشغل اللى هو ابن بشمهندس رأفت هو صاحب الشركة اللى هشتغل فيها
نيرة: وايه المشكلة فى كدا
سهوة: شكله رخم وبااارد وتنح
نيرة: اها ما جودى حكتلى عنه
سهوة: ربنا يستر انا هحاول اتجنبه على قد ما اقدر
****************
رباب: ايه يا رأفت هى الشغالة اللى اتصلت امبارح ماجتش ولا ايه
رأفت: لا جت
رباب: امال هى فين
رأفت: هتشتغل فى شركة يوسف
رباب: ايه، انا مش فاهمة حاجة
رأفت: بصى انا هحكيلك كل حاجة
قص رأفت القصة بأكملها على رباب واخبرها بكل شئ
رباب: ياااه مهندسة ومش لاقية شغل فى اى شركة !
رأفت: شوفتى بقا، وغلبانة ومحترمة، ربنا بعتها علشان يكون الشغل ده من نصيبها
رباب: فعلا محدش عارف الخير فين
رأفت: ايوة، يعنى الرزق له يوم وهيجى
*******************
يوسف: الو، ايوة يا عمر
عمر: ايه يا سوفة مش هتسهر النهاردة ولا ايه
يوسف: لا زهقان ماليش نفس اسهر النهاردة
عمر: هو انا بقولك عازمك على سبانخ، ايه مالكش نفس دى
