رواية القاسيان
سما: القضية دى هتخرج منها زى الشعرة من العجين والقا-تل الحقيقى هيظهر بس بشرط
يوسف: شرط ايه
سما: المشروع اللى بتعمله يتوقف والارض تبيعهالنا
يوسف: انتوا مين
سما: مايخصكش، ليك فى العرض
ظل يوسف يفكر ويقلبها فى رأسه وشاورت له سهوة بالموافقة فنظر الى سما بإبتسامة ماكرة: موافق
سما: وفيه شرط كمان
يوسف بعصبية: شرط ايه ده كمان
سما بإبتسامة غيظ وهى تنظر لسهوة: تتجوزنى !!!!!!
رواية القاسيان الفصل العاش____________
يوسف بعصبية: شرط ايه ده كمان
سما بإبتسامة غيظ وهى تظر لسهوة: تتجوزنى !!!!!!
اتص-دمت سهوة ورأفت من كلام سما
يوسف: نعممم، اتجوز مين انتى عبيطة
سما: هو ده الشرط التانى هتقبله ولا لا
يوسف: انتى عارفة انى مش بطيقك
سما: بس انا بحبك يا سوفة
سهوة بضيق: وافق يا يوسف
يوسف: بس
سهوة: وافق بس بقا
يوسف بضيق وهو يعيد النظر ل سما: موافق
سما: وعلشان اضمن انك مش هتطلقنى هتجيبلى فيلا وتكتبها بأسمى، و10 مليون مهر و10 مليون مؤخر صداق
رأفت متخلا: نعم انتى اتجننتى بقا
سما بدلع: لا مش اتجننت يا عمو
يوسف بإبتسامة مكر: موافق
سما بإبتسامة: اتفقنا، سلام يا سوفة
ورحلت سما وسط نظرات الجميع
يوسف: انتى قولتى وافق ليه يا سهوة !!
سهوة: عندنا خطة انا وبشمهندس رأفت
يوسف: خطة ايه
سهوة: هنسمع كلامهم لغاية اما تخرج ومش هنبيع ولا ارض ولا هنلغى مشروع
يوسف: وموضوع الجواز
سهوة بضيق: اللى انت عايزه
يوسف بإبتسامة: ومالك اتضايقتى كدا ليه، انتى بتغيرى عليا ولا ايه
سهوة: هو انا اعرفك علشان اغير، المهم هى دى الخطة
يوسف: مع انى عارف ان بده هيتفتح ابواب جهنم، بس انا هقدر اوقفهم عند حدهم
سهوة: وانا كنت عاملة حسابى علشان كدا اول ما لقيت سما هتيجى معانا تشوفك، سجلت بموبايلى كل اللى قالته
رأفت: برافو عليكى يا سهوة، كدا معانا دليل
يوسف: ربنا يسترها ويعديها على خير
*****************************
رحلت سهوة ومعها رأفت ولكن استوقفهم صوت محمد ينادى عليهم
محمد: ايه رايحين فين، انتوا نسيتوا ولا ايه
رأفت: ههههه معلش يابنى نسينا
محمد بإبتسامة: طب تعالوا اتفضلوا على مكتبى
رأفت وسهوة: طيب
دخلوا المكتب واغلق محمد الباب وجلس لكى يتحدث معهم بخصوص موضوع سما
محمد: سما ايه اللى جابها يا بشمهندس؟
رأفت: لولا انى عارف انك هتساعدنا وواثق فى براءة يوسف ماكنتش قولتلك، بس علشان وقوفك جمبنا انا هقولك على كل حاجة وكانت عايزة ايه، هاتى يا سهوة التسجيل اللى سجلتيه
سهوة: حاضر، اهو
بدأ محمد يسمع الحوار كاملا وبدأ يبتسم
محمد: هههههه نظرتى ماتخيبش ابدا، انا شكيت ان البنت دى وراها حاجة
رأفت: زى ما سمعت كدا هيخرجوه علشان يعملهم اللى عايزينه ده
محمد: طب اسمع يا بشمهندس، لما يخرجوه ماتعملش اي حاجة خالص ليهم اما عن التسجيل انا هاخد نسخة وممكن احبس بيه سما، بس مش هعمل كدا علشان نوصل للى شغالة معاهم دول
سهوة: بس انا خايفة يعملوا حاجة فى يوسف لو مانفذش اللى طلبوه
محمد: لا ماتقلقيش، لو عملوا كدا هيتأكدوا مليون فى المية ان الارض ضاعت منهم وانهم اتكشفوا
رأفت: ازاى
محمد: مش مهم ازاى بس مش عايزك تقلق خالص واما يوسف يخرج ويكلموه ويرفض مش هيقدروا يعملوا حاجة بس هيحاولوا يضغطوا عليه بحاجة اكبر
بس ماتقلقوش انا معاكم لغاية اما نوصل للناس دى ونفهم بالظبط هم عايزين الارض دى ليه بشدة كدا
رأفت: تمام يابنى
*************************
• ها اية الاخبار يا sky
سما: ماشى يا leader
يوسف وافق على كل حاجة بس انا زودت شرط
• شرط ايه
سما: انه يتجوزنى
• لا والله وايه بقا الهبل ده، تتجوزيه وهو مش طايقك وهددتيه
سما: علشان هيتجوزنى ويكتب فيلا بأسمى ومبلغ كدا حلو ليا وضيف على كدا انى هشقلطه يعنى هاخد اللى وراه واللى قدامه
• اممممم لا دماغك حلوة
سما: طيب هو هيخرج امتى
• الواد هيروح يعترف بكرا وكدا يبقى يوسف حر
سما: طيب خلى الواد يروح بعد بكرا وهاتلى تصريح ازور يوسف بكرا تانى
• اشمعنا !!
سما: علشان هخليه يتجوزنى وهو محبوس بكرا ههههه مضمنش، ممكن مايرضاش يتجوزنى لو خرج
• فعلا ان كيدهن عظيم
***********************
رباب: كنت فين يا رأفت
رأفت: روحت ليوسف
رباب بلهفة: بجد وعامل ايه ؟
رأفت: كويس وهيخرج قريب اوى
رباب: بتتكلم جد يا رأفت، بجد هيخرج ؟
