رواية القاسيان
سما: نفذت اللى قولتهولى بالحرف الواحد وفعلا دخلت علينا زى ما اتوقعت
• وعملت ايه
سما: عيطت وطلعت تجرى على مكتبها
• امممم وهو راح وراها صح ؟
سما: اكيد
• ماظنش اللى حصل هيخلى الدنيا تقع ما بينهم، لازم حاجة اكبر علشان يقع خالص وساعتها هيبيع الارض وهو مستسلم
سما: وايه الحاجة دى
قالها على الخطة كلها بالتفصيل وهتعمل ايه بالظبط
سما: تبقى مش فاهم بقا، يوسف بعد اللى حصل النهاردة ده، لو شافنى تانى هيق-تلنى وعمره ما هسيب نفسه بين ايدى تانى زى اللى حصل النهاردة علشان كدا انسى الخطة دى خااالص
• امال هنعمل ايه
سما: مش عارفة، انت من رأيك ايه
• اممممم بسسس جاتلى فكرة
سما: هااا ايه
• احنا هنخدره ونحطه فى السرير عندك وهو نايم وانتى تنامى جمبه وتحضنيه ونكلم مراته وتيجى وتشوفه بالمنظر ده، ايه رأيك
سما: خطة كويسة بس هنخدره ازاى!!!
• دى بقا سيبيها عليا...انا هتصرف
.........
يوسف: البت دى مش هستريح غير لما اقتلها
عمر: تبقى غبى، هتودى نفسك فى ستين داهية على واحدة ماتستاهلش وبدل ما انت كنت هت-تعدم ظلم دلوقتى هتت-عدم بجد
يوسف: امال اعمل ايه، مانت شايف جاية علشان توقعنى مع سهوة ولولا سهوة عاقلة كانت زمانها دلوقتى قالبة الدنيا !!!
عمر: المهم دلوقتى هنعرف نجيب اللى معاها ازاى وحتى لو جبناهم، مفيش اى ته-مة ضدهم او اثباات
يوسف بتفكير: مش عارف واكيد مليون فى المية زمانهم بيخططوا فى خطة جديدة
عمر: يبقى تجهز وتخلى بالك كويس لحد ما نعرف اى خيط نقدر نثبت عليهم بيه اي حاجة
يوسف: دول مالهومش نشاط، كل اللى عايزينه الارض وبس...ايه الاثبات اللى هنجيبه بقا يا ذكى
عمر: مين قالك ان مالهومش نشاط، كلم الظابط وشوف وقوله يمشى ورا سما، هى الخيط اللى هيوقعهم وبعدين ماتنساش انه خط-ف سهوة وجاب رجالته وهددوك وكانوا هيقتلوك، يعنى اكيد بيتاجر فى الاثار والا مكانش معاه كمية ال-سلا-ح والبودى جاردات دى ولا انت ايه رأيك
يوسف فكر شوية: عندك حق... سما هى الخيط فعلا اللى هيوقعهم
.......
سهوة: ياه بقا دى كل الحكاية
ولاء: ايوة شوفتى بقا
سهوة: بس على فكرة كان باين عليه اوى من يوم ما شافك فى الشركة وقعد يرخم عليكى وانا لاحظت بس مارضتش اقولك حاجة لغاية اما شكى يطلع فى محله
ولاء ضحكت: واهو طلع فى محله يا ستى
سهوة: عيب عليكى يا بنتى ده انا سهوة بردو
ولاء بضحك: انتى هتقوليلى
يوسف خرج فى اللحظة دى هو وعمر
يوسف: يلا علشان الاجتماع هيبدأ
سهوة: حاضر يلا
رن موبايل يوسف وبص لقى رقم رأفت والده فرد
يوسف: ايوة يا بابا
رأفت: بقولك يا يوسف، صابر المنياوى اللى قولتلك عليه وصل مصر النهاردة وده اللى هيبقى مسؤول عن المشروع فى الارض وهو اللى هيوفر المهندسين اللى هيشتغلوا فى الموقع
يوسف: طيب انا هعمل اجتماع افهم فيه المهندسين اللى هيتم واخد منهم التخطيط علشان اراجعه
رأفت: تمام وماتنساش تكلم صابر المنياوى علشان تدرسوا كل حاجة فى المشروع وتتفقوا
يوسف: تماام يا بابا يلا سلام علشان الاجتماع
قفل يوسف مع والده ودخل الاجتماع
يوسف: ها يا بشمهندسين التخطيط خلص !!
كله رد ان كل حاجة جاهزة
يوسف: تمام كدا كل حاجة جهزت والتخطيط خلص ولكل واحد مبلغ محترم بس الاول هراجع التخطيطات
وهشوف كل حاجة واعملوا حسابكم ان رجل الاعمال صابر المنياوى هيبقى مسؤول عن مهندسين الموقع واللى هيشتغلوا فى المشروع وهيجى هنا علشان نجتمع ويفهم كل حاجة وبردو نتفق على كل حاجة بخصوص المشروع
جمال: بس يا بشمهندس فيه مشكلة
يوسف: مشكلة ايه ؟؟
جمال: هنحتاج سيولة كبيرة اوى لتمويل المشروع ده
يوسف: ماتقلقوش السيولة انا هشارك فيها وصابر المنياوى كمان هيشارك علشان المشروع يكمل، ها حد عنده سؤال تانى ؟
الكل: لا يا بشمهدس
يوسف: خلاص بأذن الله بكرا اجتماع مع صابر المنياوى وكله يبقى موجود، اتفضلوا انتوا
خرج الكل واتبقى يوسف وسهوة
يوسف بإسغراب: مالك يا سهوة !!!...سرحانة طول الاجتماع
سهوة بأنتباه: هاا لا بس اسم صابر المنياوى حاسة انى سمعته قبل كدا
يوسف: يمكن علشان رجل اعمال كبير
سهوة بتفكير: مش عارفة.... يمكن
يوسف بهزار: مش هتروحى تعمليلنا المحشى ولا انتى رجعتى فى كلامك يا سهوتى
سهوة ضحكت: لا هروح يلا سلام
يوسف: طب ادفعى علشان تخرجى من المكتب
سهوة: ادفع ايه !!
يوسف قرب منها وهى بتبعد
سهوة: عايز ايه ياض!!!
يوسف: تصدقى انتى قفلتينى...فيه واحدة تقول لجوزها عايز ايه ياض !!!!
سهوة وهى بتق-رب وحض-نته وحاوطت اد-يها حوالين رق-بته: طب عايز ايه يا حبيبى
يوسف: كدا فتحتى نفسى تانى وباس-ها جامد وهى كمان كانت فرحانة اوى انها فى حض-نه وهو بيب-وسها بكل حب وعشق ولهفة
سابها يوسف: تقدرى تخرجى، كدا دفعتى حق الخروج
ضحكت سهوة جامد وخرجت
يوسف: سهوة
سهوة وقفت ولفت: ايوة يا سوفة
يوسف: ماقولتليش ليه ابوكى سماكى سهوة
ضحكت سهوة: هو ليه باباك سماك يوسف !!!
يوسف: عادى....اسم يوسف معروف بس اسم سهوة ده مش غريب شوية
سهوة: امممممم ماشى يا سيدى هحكيلك بس لما تروح علشان الحق اعمل الاكل عقبال ما تيجى
يوسف: خلاص اشطا اتفقنا، الحقى انتى
سهوة ابتسمت: باى يا حبيبى
يوسف: باى يا روووحى
روحت سهوة وهى فرحانة اوى ونسيت تماما موضوع سما واللى عملته
دخلت الفيلا وسلمت على اسماء
اسماء: ايه اللى رجعك دلوقتى يا حبيبتى ؟
سهوة: يوسف يا سوسو...عايز ياكل محشى ورق عنب
اسماء ضحكت: هههههه طول عمره بيعشقه
سهوة:علشان كدا قالى روحى بدرى واعمليه
