رواية القاسيان
اسماء: اعمليله عالله يطمر فيه
سهوة ضحكت وسابت اسماء ودخلت لرباب المطبخ
سهوة: ازيك يا ماما
رباب: ازيك يا سهوة، ايه ده رجعتى بدرى ليه
سهوة: يوسف عايز محشى ورق عنب زى عوايده وقولتله هعملك ومشانى بدرى
رباب: هههههه طب كويس انك جيتى، اعملى انتى المحشى وتعالى ساعدينى فى الباقى ده
سهوة: من عنيا يا ماما
رباب بإبتسامة: تسلميلى عنيكى يا بنتى
جهزت سهوة الاكل وساعدت رباب فى اللى عايزاه وراحت تتكلم وتضحك مع اسماء زى عوايدها بس حست بدوخة جامدة وعايزة ترجع
قامت تجرى على الحمام وبعدها خرجت عندها نفس الدوخة
اسماء: مالك يا سهوة
سهوة بتعب: مش عارفة يا سوسو، حاسة بدوخة جامدة وكل شوية احس انى عايزة ارجع
اسماء ابتسمت: يعنى مش عارفة ايه ده ؟؟
سهوة بفرحة: قصدك....
اسماء بفرحة: ايوة قصدى حمل.... بس لازم تتأكدى الاول علشان نفرح بجد
سهوة بلهفة: انا هنزل اجيب اختبار حمل من الصيدلية اللى جمبنا
اسماء: ماشى بس لو تعبانة فعلا ابعتى جودى او نيرة
سهوة: لا لا هقدر
نزلت سهوة وجابت اختبار حمل ودخلت الفيلا وعملت اختبار الحمل واتف-اجئت وفضلت تتنطط وترقص وهى فرحانة وراحت لأسماء
اسماء بلهفة: هااا يا سهوة ايه
سهوة بفرحة: حاااامل يا سوسو.....حاااامل
اسماء بفرحة: مبروووووك يا سهوة.....استنى ماتقوليش لحد الا لما تقولى ليوسف
سهوة بفرحة: دى هتبقى مفاجأة حلوة اوى له، مش متخيلة فرحته يا سوسو
اسماء: ربنا يخليكم لبعض، اهو وصل بس ماتقوليش دلوقتى، لما تبقوا لوحدكم فوق
سهوة بهمس: ماشى
يوسف دخل: امممم بتتوشوشوا على ايه
اسماء: على المحشى
يوسف: اها صحيح المحشى ده انا نسيت
سهوة: المحشى جاهز ومستنى اللى ياكله
يوسف ضحك: وانا كرشى جاهز لأستقبال المحشى
ضحكوا كلهم وفضلوا يهزروا واتحط الاكل وفضلوا ياكلوا وهم بيتكلموا ورأفت اللى وصل وهم بياكلوا
رأفت: ايه ده بتاكلوا من غيرى
يوسف: تعالى حماتك بتحبك، لسة قاعدين اهو
قعد رأفت معاهم وجو اسرى جميل ما بينهم وبيهزروا ويضحكوا وخلصوا الاكل وفضلوا يتكلموا وهم بيشربوا الشاى وبعدها طلع يوسف ومعاه سهوة لأوضتهم
يوسف: يااااه ماتصدقيش انا عجبنى المحشى اد ايه
سهوة بحب: بالهنا يا حبيبى
يوسف: سهوة احكيلى بقا ابوكى سماكى سهوة ليه
سهوة ضحكت: ماشى يا سيدى، بص بعد ما تاه اخويا الصغير صابر وبعدها اخويا الكبير محمود عمل حادثة وم١ت، بردو كان اكيد بابا وماما حزنانين جدا وخلاص فقدوا اللى ليهم فى الدنيا، بعدها بفترة قصيرة ماما حملت فيا وده اللى فرح بابا جدا رغم الحزن اللى فيه فقرر لما اتولد اتسمى سهوة
يوسف ابتسم: اممممممم علشان جيتى على سهو
ضحكت سهوة جامد: بالظبط كدا
يوسف ضحك: والله ابوكى ده كان شكله رايق
قربت سهوة منه ومسك لياقة القميص: انا عندى مفا-جأة حلوة اوى ليك
يوسف ابتسم: ايه هى المفاجأة يا روحى
سهوة بفرحة: انا حاااامل
اتغيرت ملامح يوسف من الفرحة للتكشير والغضب وزقها جامد لدرجة انها وقعت على الارض وسهوة مكانتش مصدقة اللى حصل وكانت مص-دومة جدا
سهوة بصد@مة: فيه ايه يا يوسف !!!
يوسف بغضب وصوت عالى: في انى مابخلفش يا هاانم، انا مابخلفش !!!!!!!!!
رواية القاسيان الفصل العشرون
سهوة بفرحة: انا حاااامل
اتغيرت ملامح يوسف من الفرحة للتكشير والغضب وزقها جامد لدرجة انها وقعت على الارض وسهوة مكانتش مصدقة اللى حصل وكانت مصد-ومة جدا
سهوة بصد@مة: فيه ايه يا يوسف !!!
يوسف بغضب وصوت عالى: في انى مابخلفش يا هاانم، انا مابخلفش !!!!!!!!!
اتصدمت سهوة من رده، معقولة شك فيها ازاى كدا وزقها !!!
سهوة بدموع: مش فاهمة، انت بتقول ايه
يوسف بعصبية: بقولك مابخلفش، اعيدها تانى ؟
سهوة بدموع: ازاى يعنى يا يوسف، اللى فى بطنى ده ابنك..ابنك يا يوسف
يوسف بعصبية: لا مش ابنى لان مابخلفش وكنت عايز اقولك ومتردد بس كويس انى ماقولتلكيش علشان اكشفك على حقيقتك يا خاينة
تعملى عملتك وتدبسيها فيا، دى خطتك صح !!!
انتى زى اى واحدة كنت بجيبها وانام معاها، انتى حقيرة، اتخيلتك للحظة انك غير اى بنت بس للأسف كلهم كدا
مش بعيد تكونى شغالة كمان مع سما واللى معاها علشان المولود اللى يجى يكوش على كل حاجة
سهوة بدموع وصد@مة: يوووسف بقولك ابنك، حرام عليك باللى بتتهمنى بيه ده، حرااام عليك
يوسف بصوت عالى: حرام عليا ليه، عملتلك ايه !!!
ليه فهمتينى انى بحبك !!
ليه اقنعتينى انى كل حاجة بالنسبالك ؟
ليه خلتينى اتغير علشانك !!
ليه خلتينى اعشقك واعشق التراب اللى بتمشى عليه !!
ليه خلتينى اعيش فى وهم اسمه حب !!!
ليه خدعتينى وفهمتينى انك بتحبينى ؟؟
ليه ليه لييييييه
قامت سهوة وهى مش قادرة تقف من الصد@مة وبتعيط بحرقة: يوسف حبيبى....والله اللى فى بطنى ابنك ومنك
يوسف ضر-بها بالقلم وده اللى خلاها تقع تانى
يوسف: حب ايه...عايزة تخدعينى تانى، خلاص مابقاش ياكل معايا كلامك، زيك زى اى واحدة (لفظ خارج)
وانا زى الاهبل صدقتك وحبيتك، ياريتنى كنت اتع-دمت بدل ما يجى يوم زي ده، ياريتنى
دخل رأفت ووراه رباب واسماء على الصوت
رأفت: فيه ايه يا يوسف !!!! صوتك جايب لأخر الشارع
يوسف ماعملش اهتمام ليهم وبص لسهوة بإستحقار: انتى طالق....طااااالق
الكلمة نزلت زى الصاعقة على سهوة وكل اللى موجودين وده اللى خلى سهوة تفقد الوعى من الصد@مة وسابهم يوسف ومشى وهم حيرانين ومش مصدقين اللى حصل وجريت اسماء ورباب على سهوة
اتصل رأفت بالاسعاف وفعلا راحت على المستشفى ومعاها رأفت ورباب واسماء اللى اقنعت جودى ونيرة بصعوبة مايجوش معاهم ويفضلوا
كانوا قاعدين سرحانين مش مصدقين اللى حصل...ازاى ده، يوسف بيحب سهوة..لا لا ده بيعشقها..حصل ايه لكل ده....حصل ايييه !!!
