رواية القاسيان
سهوة: طيب فين
نيرة: اهو، حطين رقم تليفون
سهوة: بس مامعناش موبايل يا ذكية
نيرة: امممم، سهلة، من عند عم خالد اللى تحت
سهوة: طيب تعالى اذاكرلك الاول وبعدين ابقا اشوف
نيرة: طيب
**************
اسماء: امال فين يوسف يا رباب
رباب: فى الشغل يا ماما
اسماء: المفروض خلص شغل
رباب: مانتى عرفاه بيحب يخرج ويسهر مع صحابه
اسماء بضيق: امممم
رباب: انتى كنتى عيزاه فى ايه
اسماء: علشان الموضوع ده، بقا غلط كدا، يخرج ويسهر ويرجع وش الفجر وينام طول اليوم، انتى عاجبك حاله كدا
رباب: مانتى عارفة يوسف يا ماما، مابينفذش غير اللى فى دماغه بس وعمره ما هيسمع كلام حد ولا هيسمعلك اصلا
اسماء: لا يوسف ليا عنده معزة خاصة واكيد هيسمع كلامى
رباب: ياريت بس صدقينى مش هينفذ غير اللى فى دماغه وبس
*************
سهى وهى فى حض-ن يوسف: هى سما دى بقت معاك فى كل حتة كدا ليه يا يوسف
يوسف: السكرتيرة بتاعتى يا سهى
سهى: لا مش سكرتيرة بس
يوسف: اها، بقضى معاها ايام عادى يعنى
سهى: البت دى مش بستريحلها
يوسف: امممم هنبدأ كيد زفت نسا
سهى: خلاص مش تزعل نفسك، بس انا بحبك يا يوسف عارف يعنى ايه بحبك
**********
سهوة: فهمتى بقا الحتة دى
نيرة: ايوة خلاص تمام فهمتها، كفاية كدا بقا علشان تعبت
سهوة: طيب
نيرة: انزلى اتصلى بقا بالرقم
سهوة: الوقت اتأخر يا نيرة
نيرة: لسة الساعة 11 يا سهوة وبعدين الشارع مليان ناس اهو يعنى بدرى
سهوة: طيب
ارتدت سهوة ملابسها ونزلت
سهوة: ممكن بس التليفون ياعم خالد هتصل بيه بس
خالد: اتفضلى يابنتى، انتى تؤمرى
سهوة: تسلم يا عم خالد
واتصلت بالرقم واتفقت وعرفت العنوان وشكرت عم خالد وصعدت
نيرة: ها كلمتيهم
سهوة: ايوة
نيرة:وهتروحى امتى
سهوة: بكرا الصبح
نيرة: طيب، ربنا يجعله شغل كويس يارب
سهوة: يارب
******************
يوسف وهو يرتدى ملابسه: يلا قومى البسى علشان نروح النايت علشان محدش ياخد باله
سهى: طيب
ارتدى يوسف ملابسه وارتدت سهى ملابسها وتوجهوا الى باب الشقة ليخرجوا وفتح يوسف الباب فوجد سما امامه
يوسف: سما !!!
سما بضيق: ايوة سما يا يوسف ونظرت ل سهى وقالت: بقا انت سايبنى بقا عمالة ادور عليك علشان دى
سهى: ومال دى يا سما
سما: اخرسى انتى خالص
سهى: لا مش هخرس
يوسف بزعيق: بقولكم ايه انا مش فايقلكم انا رايح الزفت
ورحل وتركهم واقفين ينظرون له وهو يرحل
************
كانت سهوة نائمة على السرير تبكى وتتذكر اباها
flash back
شريف: خدى يا بنتى دى جايزة علشان دخلتى هندسة
سهوة بفرحة: اية ده يا بابا 1000 جنيه بحالهم
شريف: والله يا بنتى لو حالتنا احسن كنت اديتك اكتر من كدا بكتير
سهوة: كتر خيرك يا بابا بس خلى الفلوس دى البيت هيحتاجها
شريف: ماتزعلنيش بقا يا سهوة وخدى الفلوس، ربنا ساترها الحمدلله
سهوة: ربنا يخليك يا بابا
شريف: ويخليكى ليا يا بنتى وافرح بيكى يارب
back
سهوة بدموع: ربنا يرحمك يا بابا، وسحبت من تحت مخدتها 1000 جنية وكانت تلك التى اخذتها من والدها، كانت تحتفظ بها للظروف وبالفعل احتاجتها فى علاج والدتها وكانت ستحضر بها دواء امها بعد اسبوع لكن القدر، توفت والدتها وتركتها هكذا هى واختها ليس لهم الا الله
كانت تتذكر كل ذلك وما حدث لها فى الماضى من مآسى كثيرة وفترة الكلية وما تعرضت فيها لصدمات كثيرة وكانت تبكى حتى نااااامت
**********
ذهب يوسف الى النايت كلب ودخل
عمر: ايه يا معلم ايه الاخبار
يوسف: زفت، البت سما قابلتنى وانا خارج من الشقة
عمر: لا والله
يوسف: مش قولتلك ياعم لاغيها
عمر: والله يابنى كانت جمبى ببص مالقتهاش
