رواية القاسيان
ولاء: طيب يا سهوة، يلا سلام
سهوة: سلام
عدى وقت قليل ووصلت ولاء الشركة وسلمت على سهوة ودخلت المكتب معاها وبدأ سهوة تحكيلها كل حاجة حصلت من ساعة البيت ما وقع لغاية اللحظة دى
ولاء: ياااه كل ده حصل
سهوة: ايوة
ولاء: وهو هيخرج امتى
سهوة: معرفش بس اما نشوف الناس دى
ولاء: بس هو جدع اوى لما وداكى شقة جديدة
سهوة: ايوة فى دى عندك حق، عمل جميل مش هنساه
ولاء: بس ما دام اعترفلك بحبه مالك كدا مش مدياله نفس
سهوة: مش عايزة احب تانى يا ولاء
ولاء: لا والله طب عينى فى عينك كدا، والله شكلك بتموتى فيه كمان
سهوة: خلاص بقا يا لولو خلينى اقولك انا كلمتك ليه
ولاء: ليه
سهوة: هو انتى لسة مالقيتيش شغل
ولاء: لا لسة والله يا سهوة
سهوة: طيب سما اللى قولتلك مشيتها دى كدا دلوقتى عايزين سكرتيرة، انتى هتشتغلى سكرتيرة وهتاخدى نفس مرتب سما ومرتب حلو اوى، هااا موافقة
ولاء: امممم افكر
سهوة: يبقى اتفقنا
ولاء: بقولك يا بنتى هفكر
سهوة: يلا روحى على شغلك
ولاء: طيب استنى هروح ابلغ ماما واقولها واجى
سهوة: طيب ماتتأخريش علشان افهمك النظام وكدا
ولاء بإبتسامة: مسافة السكة
***************************
اسماء: ماتعرفش يا رأفت هيخرجوه امتى ؟
رباب: ايوة يا رأفت هيخرجوه امتى
رأفت: ماتقلقوش هيخرجوه قريب يا النهاردة يا بكرا بالكتير اوى
رباب: امال فين جودى
رأفت: قامت بدرى ووصلتها لبيت سهوة علشان تذاكر مع نيرة اختها
اسماء: انا عايزة اشوف سهوة يا رأفت
رأفت: اشمعنا
اسماء: من الكلام عنها عجبنى شخصيتها وعجبتنى اوى، عايزة اتعرف عليها واكلمها
رأفت: خلاص اول ما يوسف يخرج هعزمها واخليها تيجى هنا وتتعرفى عليها، ماشى
اسماء: ماشى
***********************
صابر: ها مبسوطة يا ستى ؟
ايما: امممم مث اوى
صابر: طيب عايزة ايه يبسطك اوى
ايما: منا قولتلك يا بابى عايزة اعلف صحاب
صابر بحزن: طب يا ايما انتى عارفة ان بابى مكانش عنده صحاب وهو صغير ؟؟
ايما: ازاى
صابر: وانا صغير وعندى 5 سنين كنت ماشى مع اخويا بنجيب حاجة واخويا كان اكبر منى بسنتين، قولت اهزر معاه واجرى منه واستخبى وهو يدور عليا فى الشارع، روحت واستخبيت بس اخويا فضل يدور عليا لحد ما مشى وانا خرجت ادور عليه فى الشارع ومالقتوش وكان شارع غريب عليا وفضلت الف فى الشوارع وانا عمال اعيط لغاية ما واحد خدنى على القسم بس انا كنت صغير وقالولى انت ساكن فين وانا معرفتش ارد عليهم بأسم المنطقة ولا عرفت اى حاجة، كل اللى اعرفه انى كنت بعيط لغاية اما ودونى ملجأ كنت انا اصغر واحد فيه ومعظمهم كبار عندهم 12 سنة ومكانش ليا صحاب خالص وكنت بقعد لوحدى لغاية اما خرجت من الملجأ
ايما: بجد يا بابى
صابر: ايوة بجد يا حبيبتى بس ساعتها كنت لوحدى انما انتى معاكى بابا صح ولا ايه
ايما: صح، بس انت يا بابى ماتعرفث اخوك ده فين دلوقتى ولا باباك فين ؟
صابر رد بحزن: لا يا ايما معرفش
***************************
كان يجلس فى الزنزانة حتى دخل عليه الضابط واخبره انه له زيارة مما جعله يتعجب، كيف وهو محكوم عليه بالاع-دام وبالامس كان عنده زيارة فذهب معه ودخل غرفة ووجد سما
سما بإبتسامة: ازيك يا بيبى
يوسف: فيه ايه وانا هخرج امتى
سما: هتخرج بس تتجوزنى الاول
يوسف: نعم ؟؟
سما بدلع: ايوة يا قلبى المأذون برا وكمان الشهود يا بيبى، شوفت انا عاملة حسابى ازاى
رواية القاسيان الفصل الحادي عشر
___________________
سما بدلع: ايوة يا قلبى المأذون برا وكمان الشهود يا بيبى شوفت انا عاملة حسابى ازاى
قام يوسف وزعق فيها: انتى مابتفهميش، انا عايز اتعدم غورى من هنا بقى
سما بدلع: يعنى كنت هتضحك عليا لما تخرج
يوسف: لا ماكنتش هضحك عليكى
سما: خلاص نتجوز دلوقتى
يوسف: بس مش هكتبلك حاجة غير لما اخرج
سما: لا هتكتبلى شيك ب 20 مليون يتصرف بعد 3 ايام وانت هتخرج بكرا ولا بعده واول ما تخرج تجيب الفيلا اللى قولتلك عليها وتكتبها بأسمى وال20 مليون تقدر تاخدهم تانى
يوسف بتفكير: امممم طيب
سما بإبتسامة: يبقى اتفقنا، ادخل يا سيدنا
دخل المأذون ويوسف باين عليه الضيق والعصبية وتم الجواز وقام الشهود مشيوا وسما قامت
سما بإبتسامة: سلام يا جوزى يا حبيبى، اشوفك برا السجن بكرا
وارسلت له قبلة فى الجو وخرجت وهى تضحك
يوسف لنفسه بإبتسامة: وحياة امك لأخليكى تلفى حوالين نفسك انتى واللى معاكى، طالما اختارتى تلعبى مع يوسف تبقى انتى الجانية عل نفسك
.....
كانت سهوة بتتابع الشغل وكل حاجة وبتجهز شغلها اللى مسؤولة عنه لغاية اما دخلت عليها ولاء
ولاء بإبتسامة: انا جاهزة يا ستى
سهوة بفرح: طيب حلو اوى، تعالى بقا افهمك كل حاجة
ولاء: قبل ما افهم يا سوسو عايزة اسألك سؤال كدا
سهوة بتفكير: سؤال ايه ؟
ولاء: بتحبيه ؟
