رواية القاسيان
سما: بتقول حاجة يا بيبى ؟
يوسف: ايوة بقول فى داهية
سما: يخليك ليا يا قلبى
عمر فتح بقه من الرخامة والصد@مة
عمر: ايه البنى ادمة اللى مابتحسش دى
يوسف: سيبك سيبك
........
راح كل واحد على مكتبه وكل شوية كان عمر بيخرج يعاند فى ولاء لحد ما وقت الشغل خلص وبص يوسف لقى موبايله بيرن برقم سما ورد
سما: ايوة يا بيبى انا مستنياك تحت الشركة
يوسف: نازل
قفل يوسف
يوسف: سهوة، عمر هيوصلك انتى وولاء بالعربية علشان رايح مع العقربة
ابتسمت سهوة: طيب تروح وترجع بالسلامة يا حبيبى
يوسف بإبتسامة: بحبك
سهوة: وانا كمان
يوسف: طب هنزل بقا قبل ما اضعف واستجيب للش-يطان
ضحكت سهوة: طب انزل
نزل يوسف وركب عربيته وركبت سما وراحوا لسمسار واتفقوا مع صاحب الفيلا ومضوا العقد
يوسف: اديها بقت بتاعتك وبأسمك هاتى الشيك
سما: خد اهو يا قلبى كدا تمام
يوسف: لا مش تمام، انتى طالق
سما: ايه
يوسف: معاكى فيلتك اللى خدتيها منى، اشبعى بيها وورقة الطلاق هتوصلك النهاردة
سما بعصبية: والاتفاق اللى اتفقناه فى السجن
يوسف: بليه واشربى ميته
سما: يعنى مكانش اتفاق رجالة
يوسف: لا كان اتفاق بين واحد مظلوم وواحدة ***** وبيعمل اى حاجة علشان يخرج وادينى خرجت واقسم بالله اللى هيقف فى سكتى منكم انتى والناس اللى معاكى لأنسفه من على وش الارض
سما: هههههههه كلامك ده ولا كلام سهوة
يوسف: نفسى اعرف سهوة دى حرقاكى فى ايه !!
سما: لا مش حرقانى
يوسف: اها ما هو باين، اقسم بالله يا سما اللى هيقرب منى ليم-وت
سما: من امتى وانت ليك فى الاكشن والمسؤولية والقلب المي-ت !!
يوسف: البركة فيكى انتى واللى معاكى، السجن علمنى حاجات كتير اوى، ودى حاجة عايز اشكركم عليها...انكم فوقتونى وخلتونى احس بالمسؤولية وافوق من الدلع اللى كنت فيه ده
سما: يعنى ده اخر كلام عندك
ضحك يوسف: ايوة اخر كلام، وقولى للى شغالة معاه انك لو راجل كنت بينت انت مين وماصدرتش مرة
سما: حاضر هقوله، كنت عايزة اساعدك ياسوفة بس للأسف
يوسف: يلا غورى من هنا
سما: حاضر هغوور
........
• قالك ايه !!
سما: قالى انه ماتفقش على حاجة وان ده اتفاق واحد مظلوم مع واحدة، وشتم
• ياااه
سما: وطلقنى وقالى اقولك انك لو راجل كنت بينت نفسك بدل ما تصدر مرة
• هههههههه الواد ده شاف نفسه اوى
سما: اوى وانا مش مطمنة، حاسة ان يوسف بتاع زمان غير بتاع دلوقتى، الفترة اللى قداها فى السجن غيرته جامد
• على نفسه يا سما، مش عليا، انا بقا هعلمه الاد-ب
سما: هتعمل ايه !!
• عبد الغفاااار
عبد الغفار: ايوة يا ريس
• عايزك تخلص
عبدالغفار: اوامرك يا كبير
سما بإستغراب: هتعمل ايه ؟؟؟
• هقتل يوسف !!!
رواية القاسيان الفصل الثالث عشر
سما بإستغراب: هتعمل ايه ؟؟؟
• هقتل يوسف !!!
سما: تبقى اهبل لو عملت كدا
• ليه !!!
سما: البوليس هيبصلنا وماتنساش ان يوسف، الظابط اللى اسمه محمد ده قعد معاه وكان شاكك انى اللى ق-تلت سهى واكيد واقف مع يوسف علشان كدا نافش ريشه علينا
• وانتى رأيك ايه، الحل معاه ؟
سما بإبتسامة: حبيبة قلبه سهوة
• نخطفها ونساوموا بيها
سما: بالظبط بدأت تفهمنى اهو
• وهو هيعمل اللى احنا عايزينه علشان يرجعها ؟
سما: هيعمله وزيادة كمان، ده بيعشقها وهى نقطة ضعفه والمثل بيقول شوف نقطة الضعف فين واضرب
• كلامك تمام اوى
...............
روح يوسف بعد ما جاب الفيلا لسما وطلقها وقالها الكلام اللى راحت قالته للى شغالة معاه.... فضل يوسف يفكر كتير واتكلم مع ابوه شوية وفضل يلف شوية من التفكير وفى الاخر دخل الاوضة بتاعته واتصل بسهوة
يوسف: وحشتينى اوى
سهوة: لحقت اوحشك، مانا كنت معاك الصبح
يوسف: انتى بتوحشينى كل ساعة...كل دقيقة.....كل ثانية...
ضحكت سهوة: كفاية انا مش اد الكلام ده
يوسف: امال انا اللى اده، انا برتجل يا قلبى
سهوة: طيب ارتجل يا حبيبى
يوسف: انتى عارفة
سهوة: امممم
يوسف: كلمة حبيبى طالعة منك عسل اوى
سهوة:.........
يوسف: فينك يا سهوة، سهوة !!!!!!
فجأة ظهر صوت سهوة بتصوت جامد اوى وبتقول: الحقنى يااا يوووسف، الحقنييييييي
اتنفض يوسف من مكانه وقال بصوت عالى: سهوة، انتى فين، حصل ايه ردى عليا
لكن الصوت اختفى قام يوسف فى لحظة ونزل جرى وسأله رأفت ورباب حصل ايه لكن ماردش على حد وجرى زى المجنون على برا وركب العربية وطار بيها بسرعة جنونية ووصل لبيت سهوة وخرج من العربية وطلع على فوق زى المجنون
لقى الباب مكسور ومفتوح ودخل لقى الشقة مكسرة ولقى نيرة قاعدة على الارض وحاطة دماغها مابين رجليها وبتعيط
يوسف بصد@مة: نيرة
نيرة بعياط: سهوة يا يوسف خط-فوها، خطف-وووها
