رواية القاسيان
جودى: هو اتأخر كدا ليه
رباب: انتى عايزاه ليه
جودى: عايزاه فى حاجة كدا
رباب: شكلك وراكى مصيبة
جودى: ايه يا ماما هو علشان عايزة يوسف يبقى ورايا مص-يبة
رباب: ما هو اللى بيخبى اسرارك
جودى: ما علينا يا ماما، لما يجى قوليلى علشان عايزاه
رباب: طيب
**********************
سهوة: فعلا شاطرة يا نيرة الاكل جميل
نيرة: انتى اجمل
سهوة: ربنا يخليكى ليا يا اجمل اخت
نيرة: ويخليكى يارب
سهوة: قومى بقا ذاكرى علشان امتحاناتك قربت
نيرة: حاضر هقوم اهو
سمعوا خبطات على الباب فلبست سهوة حجابها وقامت لتفتح الباب فوجدت صديقتها ولاء
سهوة بفرحة: ولاء، تعالى خشى
ولاء: ازيك يا سهوة
سهوة: الحمدلله بخير وانتى اخبارك ايه
ولاء: الحمدلله، ها ايه اخبار الشغل الجديد
سهوة: الحمدلله وكويس وتمام بس..
ولاء: بس ايه
سهوة: بشمهندس يوسف صاحب الشركة ده غريب اوى، انا مستغربه منه ومش عارفة اللى بيعمله ده ليه، ده اللى قالقنى
ولاء: عمل ايه ؟
قصت سهوة القصة كاملة على ولاء اثناء العمل وعندما دخل عليها المكتب والخ...
ولاء: واضحة يا سوسو مش محتاجة كلام
سهوة: هى ايه اللى واضحة يا لولو
ولاء: اكيد معجب بيكى
سهوة بإستغراب: معجب بيا انا !!
ولاء: ايوة، ليه لا
سهوة وهى تهز رأسها بالرفض: لا لا معجب بأيه فيا، ده انا فقيرة وحالتى حالة
ولاء: مش بالفقر يا سوسو وبعدين انتى زى القمر، ده انتى حتى احسن منى وكمان روحك حلوة
سهوة: بس برضو مظنش
ولاء: الايام هتثبتلك
سهوة: السكرتيرة بتاعته اللى اسمها سما دى رخمة رخاااامة وحكت لها
ولاء: ايه الرزالة دى وسكتيلها
سهوة: لا ورتلها العين الحمرا بس مش عايزة اعمل مشاكل علشان لسة جديدة ومش اول ما اشتغل هوب اعمل خناقة
ولاء: اللى زى سما دى عايزة تتجاب من شعرها
سهوة: اه والله، دى مستفزة، شكلها لوحده مستفز
ولاء: هههههه
***********************
كان يوسف على السرير وبجواره سما تتكلم لكن لم يكن معها نهائى فكان يفكر فى اشياء عدة ومن حوله سحابة تفكييير
سما: يووووسف !!
يوسف: هاا، ايوة
سما: فينك انا عمالة اتكلم وانت مش هنا خالص
يوسف: كنتى بتقولى ايه
سما: بقولك سيبك من البت سهى دي خالص بقا
يوسف بعصبية: لو هسيبنى فعلا يبقى هسيبنى منك ومنها ومن اللى زيكم، انتى فاكرة يعنى بحبها او بحبك، لا فوقى انا بتسلى بس، ويوم ما افكر استقر مش هفكر فيكم خالص على فكرة، فهمتى ولا اعيد تانى
وقام وارتدى ملابسه ورحل وترك سما تشيط غضبا
عاد يوسف الى الفيلا ودخل
رباب: حمدالله على سلامتك يا يوسف
يوسف: الله يسلمك يا ماما، امال فين بابا وسوسو
رباب: ابوك لسة مجاش وماما بتصلى فوق
يوسف: طيب انا طالع
رباب: اه صح جودى كانت عيزاك
يوسف: عايزانى انا !!
رباب: ايوة
يوسف: طيب هعدى على اوضتها اشوفها عايزة ايه وانا طالع
وصعد يوسف ووصل الى غرفة جودى وخبط الباب وفتح فوجدها تذاكر فدخل وجلس جوارها على السرير
يوسف: ايه يا جوجو ماما بتقول انك عايزانى
جودى: هو انا لو اللى ماكلمتكش انت ماتسألش
يوسف: مانتى اللى مختفية بسبب ام الاعدادية بتاعتك دى، قولى اخلصى عايزة ايه علشان دماغى مصدعة جامد
جودى: امممم طيب عارف سهوة
التفت يوسف لها بأهتمام: ايوة انتى تعرفيها !!
جودى: ايوة دى اخت نيرة صاحبتى الكبيرة واختها الوحيدة، انا سمعت انها هتشتغل معاك فى الشركة صح !!
يوسف: ايوة، بتسألى ليه
جودى: كنت عايزاك يعنى تظبطها فى المرتب كدا، والله دى غلبانة اوى انت عارف، كانت بتشتغل شغالة علشان مكانتش لاقية شركة تشتغل فيها
يوسف بصد@مة: بجد !!
جودى: ما هى كانت جاية تشتغل هنا لولا بابا
يوسف: منا عرفت انها كانت جاية تشتغل هنا بس اول مرة اعرف انها كانت شغالة فى بيوت قبل كدا
جودى: شوفت بقا علشان كدا بقولك تخلى بالك منها وماتزعلهاش وتظبطها فى المرتب
يوسف بإبتسامة: مش محتاج كلامك، انا هعمل كدا فعلا
جودى بفرحة: بجد
يوسف: ايوة يا ستى، يلا بقا هخش انام علشان دماغى مصدعة
جودى: مش هتتفرج على ماتش الزمالك !
يوسف: زمالك مين ده اللى اتفرج عليه، ده حصااالة يابنتى، انا مش عارف طالعة بوابة لمين فى العيلة
جودى: طب خش ناام، خش
يوسف: داخل وماتنسيش تقوليلى الزمالك خسر كام لما اصحى هههه
جودى: يا رخم
*********************
سما: هو يوسف ماله اتغير كدا ليه مبقاش طايقنى
